4 Dhjetor, 2022

Sali Berisha: Do rikthehem si kryeministër

 Sali Berisha: Do rikthehem si kryeministër

Sali Berisha në një konferecnë për mediat ka thënë se kur ka nisur lëvizjen “Foltorja” nuk e mendonte se do të kishte këtë sukses që ka sot.

Berisha tha se “Foltorja” sot është kthyer në një dritë shprese dhe i vetmi zë ku demokratët po besojnë. Sipas tij kjo lëvizje është për të kthyer PD-në atje ku duhet, për ta bërë një forcë të vërtetë opozitare dhe konkurruese për të qenë në qeveri.

Ai tha se do rikthehet si kryeministër.

Prej më shumë se një muaji mori jetë në një moment kritik të historisë së pluralizmit lëvizja e një grupi deputetësh drejtues, qendror e lokal të PD, anëtarë dhe anëtare të kësaj partie me qëllimin më madhor ringritjen e PD, shndërrimin e saj në një forcë vigane opozitare dhe me mision çmonimin e narko-shtetit dhe rikthimin e Shqipërisë në rrugën e demokracisë. Rivendosjen e shtetit ligjor. Ky proces, para të gjithash dhe mbi të gjitha ka një kusht për shndërrimin e PD në një forcë konservatore në Shqipëri.

Ju jeni dëshmitar se si kreu i meduzës, Edi Rama, me gjithë enturazhin e tij të krimit dhe të drogës, arriti të shuajë opozitarizmin në Shqipëri. Arriti të shndërrojë PD-në në një parti që u largua këto 8 vite nga vlerat e saj themelore, nga parimet e saj dhe që solli pasoja katastrofale që është mandati i tretë i Ramës.

Nuk mund të mohohet se rol në këtë gjë ka luajtur dhe Xhorxh Soros me mafien e tij, armik i egër i konservatorizmit. Ai bëri gjithçka që në këtë vend të kthehej monizmi. Rama sot ka 10% më shumë pushtet se Ramiz Alia në 1991.

Kjo përballje e suksesshme, kjo lëvizje që tronditi Shqipërinë dhe u shndërrua në dritën e fundit të tunelit ku ishin futur shqiptarët, është pas asaj të 1991 lëvizja e dy më historike. Ju jeni dëshmitarë të përpjekjeve djallëzore të qeverisë dhe aleatëve të saj që të ndaloj në këtë lëvizje, me deklarata absurde me qëndrime anti-demokratike, por të gjithë dështuan. “Foltorja” kaloi nga suksesi në sukses, kaloi si dritë shprese, nga shpirti në shpirt.

Kush e mendonte nga ju këtë dy muaj më parë , unë nuk e mendoja. Po pse ndodhi kjo, pse kjo pritje e jashtëzakonshme e kësaj lëvizje, pse kjo lëvizje u shndërruar në magnet të rinisë shqiptare. Pse vajzat dhe gratë u shndërruan në mbështetës kryesor të saj. Që të gjithë shohin tek foltorja burimin e shpresës, shohin shpërthimin e energjive, shohin dritën drejt ngritjes dhe fitores. Nuk mund ta mohoj se shohin tek Sali Berisha një potencial të atillë që të bëjë të harrohet Berisha i dytë”, u shpreh ndër të tjera Berisha.

Leave a Reply

Adresa juaj email s’do të bëhet publike. Fushat e domosdoshme janë shënuar me një *