2 Shkurt, 2023

Plas sherri në PS-në e Durrësit mes djalit të Spartak Brahos e Vangjush Dakos

 Plas sherri në PS-në e Durrësit mes djalit të Spartak Brahos e Vangjush Dakos

Bashkia e Durrësit mbetet një vatër përplasjesh mes drejtuesve të saj, ku përplasja e fundit i ka kushtuar postin e nënkryetarit Arbër Brahos, djali i ish-deputetit të LSI-së dhe të Partisë Socialiste, Spartak Braho.

Vendimi i marrë nga kryetarja në detyrë, Emiriana Sako pasoi deklaratën e Arbër Brahos, që tha se aktualisht Bashkia e Durrësit drejtohet de facto nga ish-kryebashkiaku i saj, Vangjush Dako, i shpallur “non grata” familjarisht nga SHBA.

Shkarkimi i Arbër Brahos është bërë të martën më 9 nëntor, vetëm një ditë pasi ai ka denoncuar me një status në rrjetet sociale se ish-kryetari Vangjush Dako dhe tërthorazi pasuesen e tij në detyrë për abuzime me fondet publike.

Në intervistat televizive të dhëna në këto dy ditë, Arbër Braho u qëndron akuzave të hedhura ndaj Vangjush Dakos dhe kryetares së bashkisë në detyrë, Emiriana Sako. Në postimin social, Braho i kujton Dakos dosjen “339”, që ka të bëjë me akuzat e hedhura kundër tij për shit-blerje të votave.

“O xhuxhi 339, në lidhje me ato që folëm paradite, unë s’mund të them kurrë hajdut për ty. Ti minimumi mund të jesh kryetari i grupit të hajdutëve që vetë ti ke sjellë si kryetar në Bashkinë Durrës pas ikjes tënde dhe s’po e lëshoni këtë qytet që të marrë frymë me vjedhje pafund. Ju, që s’keni lënë lekët e dosjeve të letrave e stilolapsëve, normalisht që s’mund të linit as lekët e autoshkollës pa marrë dhe merrni dhe të hidrovorit, apo e kam gabim? E që s’kam folur deri tani që thua ti, jo se isha pjesë e hajdutëve, me vinte zor mua që vidhnit ju”, shkruante ai.

Braho akuzon se prej muajsh nuk ka asnjë komunikim me kryebashkiaken e Durrësit dhe se nuk është thirrur në mbledhjet e kësaj bashkie pikërisht për faktin se ai ka kundërshtuar, siç thotë, aferat korruptive dhe vjedhjen e fondeve në këtë institucion.

Leave a Reply

Adresa juaj email s’do të bëhet publike. Fushat e domosdoshme janë shënuar me një *