4 Dhjetor, 2022

‘Kërko falje’, gazetari i “Zërit të Amerikës” sulmon ashpër Yuri Kim

 ‘Kërko falje’, gazetari i “Zërit të Amerikës” sulmon ashpër Yuri Kim

Debati lidhur me datën 28 apo 29 nëntor nuk ka lënë as Ambasadën amerikane këtë vit.

Ambasada e SHBA-ve në Shqipëri ka uruar festën e Çlirimit të vendit, 29 nëntorin përmes një postimi në Facebook.

Ndërkohë, në këtë postim ka komentuar edhe gazetari Ilir Konomi, gazetar i Zërit të Amerikës.

Konomi shkruan se një urim i tillë është një gabim i rëndë diplomatik nga ana e ambasadës kundrejt atyre që kanë vuajtur nga shtypja komuniste.

“Zyrtarët amerikanë nuk e kanë festuar kurrë të ashtuquajturën Ditë të Çlirimit në Shqipëri. Sipas mendimit tim modest, ky është një gabim i rëndë diplomatik nga ana juaj dhe atyre që kanë vuajtur nga shtypja komuniste në Shqipëri duhet të kërkojnë falje sa më shpejt që të jetë e mundur”, shkruan ai.

Prej shumë vitesh tashmë politika shqiptare feston e ndarë këtë datë, ku e majta feston 29 nëntorin, ndërsa e djathta 28 nëntorin.

Leave a Reply

Adresa juaj email s’do të bëhet publike. Fushat e domosdoshme janë shënuar me një *