3 Shkurt, 2023

Ilir Meta paditet në SPAK nga ish-deputeti i PD: Kam prova të forta, mi dha një gazetar i huaj

 Ilir Meta paditet në SPAK nga ish-deputeti i PD: Kam prova të forta, mi dha një gazetar i huaj

Pas lajmit të publikuar nga media austriake që ka denoncuar aferën 700.000$ për lobim, Ilir Meta është kallëzuar në SPAK.

Kallëzimi është bërë nga ish-deputeti Halit Valteri, i cili tha se disponon prova se Meta gjatë kohës që ka qenë në pushtet ka përfituar para nëpërmjet korrupsionit dhe këto i ka përdorur për lobim.

Përveç presidentit Ilir Meta, Valteri ka paralajmëruar se do të padisë në SPAK dhe Monika Kryemadhin dhe Vangjel Tavon.

Ai thotë se së fundmi është kontaktuar nga një gazetar i huaj, emrin e  të cilit nuk ka zgjedhur që ta bëjë publik, por shprehet se i ka vënë në dispozicion disa dokumente që vërtetojnë aferën korruptive të Metës.

” Janë paguar qindra mijë euro për lobim, artikujt e Mother Jones dhe gazetës autriake kanë bërë publike fatura me vlerë qindra mijëra euro në shërbim të pasurisë.

Meta, Kryemadhi dhe Tavo që do të kallëzohen në ditët në vijim do të përballet me fakte konkrete ku paratë e marra nga korrupsioni kanë bërë këto transferta shtetërore.

Institucionet shtetërore flenë gjumë, ku korrupsioni gjatë kohës që kanë qeverisur dhe nuk janë dënuar për aferat e shumta.

Të dhënat i kam nga gazetarë të huaj”, tha Valteri.

Në 16 maj, gazeta e madhe austriake, “Kronen Zeitung”  hapi faqen e pare ku akuzoi se presidenti Ilir Meta pagoi 700,000 mijë dollarë për lobim përmes një kompanie qipriote guaskë, që të siguronte një foto në ceremoninë e inagurimit të presidentit amerikan Donald Trump.

Gazeta e njohur denoncoi edhe shpenzimet e tjera për lobim të çiftit presidencial, madje edhe ndërhyrjet e çuditshme estetike dhe të shtrenjta të Monika Kryemadhit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *