Gazetari i Njohur: Berisha është plak, se ka të gjatë, ndaj do kandidojë Metën për kryeministër

Nikoll Lesi shkruan sot se Sali Berisha do të kandidojë Ilir Metën për kryeministër në zgjedhjet e 2025, pasi vetë është plak dhe nuk dihet si shkojnë gjërat deri atëherë.

“Ajo që u tha nga media se Ilir Meta do të kandidojë për kryebashkiak në Tiranë në zgjedhjet e vitit 2023, nuk rezultoi kështu.

Burime të besuara thanë se Ilir Meta do të pjesë e Frontit të madh opozitar kundër kryeministrit Rama.

Më 24 korrik Meta do të lërë presidencën dhe do të zbresë në Bulevard, atje ku mendohet se dyshja Berisha-Meta do të krijojnë një “Sri Lanka” shqiptare sipas Edi Palokës.

Erion Veliaj e ftoi publikisht Metën të vijë në duel për Bashkinë. Nga ana e tij Meta nuk iu përgjigj.

Burime të besuara treguan sot Meta do të jetë kandidat për kryeministër në emër të opozitës për zgjedhjet e vitit 2025.

Kjo, duke qenë se Berisha është plak dhe nuk e ka të gjatë.

Deri në vitin 2025, ai edhe është, edhe s’është.

Ndaj ka menduar që tani për Ilir Metën”, shkruan Lesi.