Ekspertët britanikë këshillojnë izolim: Vala e Omicron mund të jetë më e keqe se dimri i shkuar

Omicron mund të shkaktojë një valë më të keqe se dimri i kaluar nëse vendet nuk futen në karantinë. Shkencëtarët në Shkollën e Higjienës dhe Mjekësisë Tropikale në Londër (LSHTM) zbuluan se varianti potencialisht mund të shkaktojë nivele më të larta të rasteve dhe shtrimeve në spital se sa ishte parë në janar të këtij viti.

Studiuesit, të cilët janë pjesë e Grupit Shkencor të Influencës Pandemike për Modelim (SPI-M) ose Grupit Këshillues Shkencor për Emergjencat (Sage), thonë se ka ende një “shumë pasiguri” në lidhje me karakteristikat e omicron dhe se kërkimi i tyre ende nuk është  përfunduar.

“Në skenarin tonë më optimist, ndikimi i omicron në fillim të vitit 2022 do të reduktohej me masa të buta kontrolli si puna nga shtëpia.
Sidoqoftë, skenari ynë më pesimist tregon që mund të na duhet të durojmë kufizime më të rrepta për të siguruar që shërbimet shëndetësore të mos mbingarkohen.

Mbajtja e maskave, distancimi social dhe vaksinat përforcuese janë jetike, por mund të mos jenë të mjaftueshme”, thaRosanna Barnard nga Qendra LSHTM për Modelimin Matematik të Sëmundjeve Infektive, e cila bashkëdrejtoi studimin.
Gjetjet e studiuesve mbështeten me studime të tjera që përforcuesit, shkalla dhe shpejtësia e programit përforcues, do të kenë një “ndikim të madh” në rezultate.

Nick Davies një tjetër nga ekspertët që mori pjesë në studim tha se këto janë vlerësime të hershme, por ato tregojnë që omicron i përgjithshëm po e tejkalon Delta-n me shpejtësi duke iu shmangur imunitetit natyral në një shkallë të konsiderueshme.

Paul Hunter, Profesor në Mjekësi në Universitetin e Anglisë Lindore, tha se studimi i LSHTM ishte “i projektuar mirë dhe i paraqitur qartë”, por duhet të trajtohet me kujdes për shkak të natyrës paraprake të të dhënave.

“Unë dyshoj se këto modele mbivlerësojnë rrezikun e shtrimit në spital dhe vdekjet dhe skenarët e ‘rastit më të keq’ nuk kanë gjasa të shihen. Ndërsa të dhëna më të mira bëhen të disponueshme në javët e ardhshme, ne mund të presim që këto modele të rafinohen”, shtoi ai.