1 Shkurt, 2023

Deputeti demokrat: O socialistë, bastardë jeni, çfarë prisni t’ju them unë? Do ju hedhim në plehra shumë shpejt

 Deputeti demokrat: O socialistë, bastardë jeni, çfarë prisni t’ju them unë? Do ju hedhim në plehra shumë shpejt

Deputeti demokrat Edmond Spaho komentoi përjashtimin që iu bë një ditë më parë në Parlament, pasi i quajti socialistët bastardë.

Spaho tha se politikisht ishte korrekt pasi qeveria e Ramës po bën para në krizë në kurriz të qytetarëve të vet duke i gënjyer.

Ai u shpreh se kjo është një qeveri që bashkëpunon me krimin, e korruptuar nga maja e kokës në fund të këmbëve.

“Me çfarë termash do ta quash, kriza ekziston, jo vetëm këtu, në gjithë Europë, por vendet e tjera po mbështesin qytetarët, po i ulin taksat, japin bonuse që t’ua bëjnë jetën sa më të lehtë.

Ne po na shkon 260 lekë për litër karburanti, fiton qeveria dhe oligarkët.

Disa pika e mbajnë çmimin më të ulët se bordi, kur qeveria iu thotë qytetarëve se kanë minimumin e fitimit.

Kështu dhe me produktet ushqimore. Për 4 muaj ka mbledhur 340 milionë dollarë më shumë”-tha Spaho.

“Atëherë me çfarë emri duhet t’i quash këta, përveçse bastardë”, pyeti ai.

Ai tha se PD me Berishën në krye do nisin protestat për rrëzimin e Qeverisë.

“Ka ardhur koha të kalojmë në aksione konkrete, qoftë në definimin e kësaj opozite, kontaktimin e të gjithë shtreave dhe grupeve që duan të kontribuojnë për të rrëzuar Ramën.

Nuk po kërkojmë të ndryshojnë bindjet e tyre, por dhe një i majtë që shikon situatën, është i mirëpritur të japë kontributin në interes të shoqërisë dhe vendit.

Koha që ose ngrihemi të gjithë, ose ne do vazhdojmë për ditë e më shumë në diktaturë. Roli i opozitës është i pazëvëndësueshëm.

Nuk duhet pritur çdo gjë vetëm nga opozita, por të pyesim veten çfarë kontributi dhashë sot për të rrëzuar këtë pushtet.

Kur të fillojë stina e protestave, asnjë protestë s’duhet të përfundojë pa rezultat qoftë dhe minimal.

Do i hedhim në koshin e mbeturinave shumë shpejt”-deklaroi Spaho.

Leave a Reply

Adresa juaj email s’do të bëhet publike. Fushat e domosdoshme janë shënuar me një *