4 Dhjetor, 2022

Aeroplanmbajtësja amerikane në Adriatik: Gati të veprojmë kudo!

 Aeroplanmbajtësja amerikane në Adriatik: Gati të veprojmë kudo!

Aeroplanmbajtësja USS Harry S. Truman drejton një grup luftarak në një stërvitje ushtarake në Adriatik, por komandanti i saj nuk pranoi të spekulojë se çfarë do të ndodhë pas përfundimit të stërvitjeve në ditët në vijim, sepse rregullat ndalojnë të flitet për operacionet e ardhshme.

Ama, prania e aeroplanmbajtësve është një simbol i fortë i fuqisë ushtarake të SHBA-së dhe fuqisë së NATO-s në rajon në kontekstin e rritjes së tensioneve mbi përqendrimin e forcave ruse pranë kufijve të Ukrainës.

“Vendimi se ku do të vendoset grupi luftarak i SHBA-së merret në nivelin e Sekretarit të Mbrojtjes”, tha të mërkurën kundëradmirali amerikan Curt Renshaw.

“Ne jemi gati të veprojmë kudo. Ne kemi planifikuar të jemi në një mision të gjatë kur u larguam nga Norfolk dhe planifikojmë të veprojmë atje ku kemi më shumë nevojë,” tha ai.

Grupi luftarak, i cili është nën kontrollin operacional të NATO-s, ndodhet në Adriatik për stërvitje të koordinuara detare, stërvitje kundër nëndetëseve dhe sulme me rreze të gjatë. Stërvitja duhet të zgjasë deri më 4 shkurt.

Duke njoftuar stërvitjen, të quajtur “Neptuni Strike 2022”, NATO tha se ishte hera e parë që nga Lufta e Ftohtë që një grup i tërë luftarak i SHBA-së ishte nën komandën e tij.

Departamenti i Mbrojtjes i SHBA-së thekson rolin e aeroplanmbajtëses së saj në këto stërvitje si provë se NATO është “e bashkuar, e aftë dhe e fortë”.

Shtetet e Bashkuara njoftuan më herët të mërkurën se do të dërgojnë rreth 3,000 trupa në Poloni dhe Rumani mbi atë që Uashingtoni pretendon se është kërcënimi i Rusisë për pushtimin e Ukrainës.

Rusia mohon përgatitjen për një pushtim, por thotë se mund të ndërmarrë veprime të papërcaktuara ushtarake nëse kërkesat e saj nuk plotësohen, duke përfshirë premtimin e NATO-s për të mos u zgjeruar kurrë në Ukrainë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *